क्यानाडाविरुद्ध नेपाल के रोमान्चक ऐतिहासिक जित

138

 

२०७४ फाल्गुन २, वीरगंज

नामिबिया मे होरहल आईसीसी विश्व क्रिकेट लिग डिभिजन २ मे आजु भईल खेल मे क्यानाडाविरुद्ध नेपाल १ विकेट के रोमान्चक जित दर्ज  कईले बा।

टस जीत के नेपाल गेंदवाजी करके निर्णय कईले रहे। क्यानाडा ५० ओभर खेले के ८ विकेट के छति मे १९४ रन बनईले रहे। नेपाल के ओरीसे शानदार गेंदबाजी करत बसन्त रेग्मी ३ विकेट लेलन, संदीप लामिछाने २ विकेट, कारण केसी आ शरद भेस्वाकर १-१ विकेट लेलख लोग।

लक्ष्य के पीछा करत नेपाल के ओरी से दिलीपनाथ ४१ रन, आरिफ सेख २६, रोहित पौडेल २७ आ म्याच के ‘हीरो’ करन केसी ४२ रन बनईलख लोग। ४२.१ ओभर मे ही नेपाल के ९ विकेट गिर गईल रहे। करन केसी के शानदार ३ गो चौका आ ४ गो छाका नेपालके अन्तिम गेंद तक खेलके जितईलन। अन्तिम ओभर मे ८ रन चाहिंत नेपाल खातिर। ४ गेंद खईलाके बाद पांचवा गेंद पर छक्का मारके केसी नेपालके म्याच में फेर से आपस लियईलन। छौवा गेंद मे क्यानाडा के गेंदबाज़ परवेज़ प्रेसर में आके वाइड गेंद देलन आ म्याच ड्र होगईल रहे। अन्तिम गेंद मे १ रन लेके केसी नेपालके ऐतिहासिक जित दिलईलन।

इह जित संगे नेपाल के डिविजन १ मे बढुवा होगईल बा । आवेवाला महिना मे नेपाल २०१९ के विश्वकप छनोट खेल जिम्बावे मे खेली।

advertisement

राउर टिप्पणी

राउर टिप्पणी लिखी
Please enter your name here