डा. केसी के मांग पुरा करे के मांग करत वीरगंज में प्रदर्शन

 डा. केसी के मांग पुरा करे के मांग करत वीरगंज में प्रदर्शन

वीरगंज, २१ कुवार ।

डा. केसी के मांग जल्दी से जल्दी पुरा कर के उनकर जीवन के रक्षा करे के मांग सहित के प्रदर्शन आज वीरगंज में कईल गईल ।

नेपाली जनता के स्वास्थ्य के अभिभावक डा. गोविन्द केसी स्वास्थ्य क्षेत्र एवम शिक्षा क्षेत्र के बिगडल अवस्था सुधार ख़ातिर आज १९ वा सत्याग्रह अनसन के समर्थन में एक्यवद्धता जनावात डा. केसी के समर्थक लोग बिरगंज पर्सा एवम सचेत नागरिक समाज बिरगंज आज बुधबार के दिने बिरगंज के घण्टाघर में धर्ना प्रदर्शन कइले बा लोग ।


१ घण्टा के विरोध कार्यक्रम में डा. उदय नारायण सिंह , अधिवक्ता पन्नालाल पटेल, सामाजिक अभियन्ता लोग प्रकाश थारु , बृजेश्वर चौधरी , मनोज मिश्रा ,लालबाबु सिंह , ओम प्रकाश सराफ ,कमल चौगाइ , मोनिका सिंह , ज्योती साह ,कन्हैया पटेल, मन्टु श्रेष्ठ , अबिनाश झा अभियन्ता समेत सर्वसाधारण लोग डा. केसी के माग पूरा कर, डा. केसी के जीवन रक्षा कर , डा. केसी के अनसन मेडिकल माफियन के टेन्सन , कर्णाली में अबिलम्ब एमबिबिएस के पढाइ सुरु कर, अख्तियार उपर के हस्तक्षेप बन्द कर , दलिय भागबन्डा बन्द कर , लुटतन्त्र बन्द कर समेत के नारा अन्कित बैनर ले के नारा भी लगवले रहे लोग ।

यी कार्यक्रम डा. केसी के माग पूरा ना होइ तब ले प्रत्येक दिन सबेरे ७ बजे प्रदर्शन निरन्तर जारी रही ।

 

Leave a Reply

Your email address will not be published. Required fields are marked *