पर्सा के ग्रामीण क्षेत्र में बढल कोरोना संक्रमण, पर्सा समेत २७ जने में संक्रमण पुष्टि

 पर्सा के ग्रामीण क्षेत्र में बढल कोरोना संक्रमण, पर्सा समेत २७ जने में संक्रमण पुष्टि

वीरगंज, १० कुवार ।

पर्सा, बारा आ रौतहट में अउरी २७ जने में कोरोना भाइरस संक्रमण पुष्टि भईल बा ।
वीरगञ्ज स्थति नारायणी अस्पताल के प्रयोशाला में कईल परिक्षण अनुसार पर्सा में २३, बारा में ३ आ रौतहट में १ जने कर के अउरी २७ जने में कोरोना संक्रमण पुष्टि भईल बा ।

अस्पताल के प्रवक्ता एवम् वरिष्ठ चर्म रोग विशेषज्ञ डाक्टर अतुलेश कुमार चौरसियाले के देहल जानकारी हिसाब से पर्सा, बारा आ रौतहट के अनेकन स्थानीय तह से जम्मा कर के लियाईल १ सय ९२ जने के थ्रोट स्वाब के नमुना के अस्पताल के पिसिआर प्रयोशाला में परिक्षण कइला पर १० महिला सहित संक्रमित भइल बा लोग । संक्रमित में ८ साल के बालक से ले के ७४ साल तक के वृद्ध समेत रहल बा लोग ।

उ पर्सा में सब से बहुती कालिकामाई गाउँपालिका में संक्रमित मिलल बा लोग जानकारी देहले । कालिकामाई गाउँपालिका के वाड नम्बर १ में ही खाली एघार जने संक्रमित बढ़ल बा लोग । ओइसे ही वीरगञ्ज महानगरपालिका के वाड नम्बर ४ में तिन, वाड नम्बर १४ में दु आ वाड नम्बर २, १०, २५ आ २७ में एक/एक जने कर के ९ जने संक्रमित बढ़ल डाक्टर चौरसिया बतवले ।
पर्सा के सखुवापरसौनी गाउँपालिका वाड नम्बर २ आ बहुदरमाई नगरपालिका वाड नम्बर ७ में भी एक/एक जने संक्रमित देखल गईल । पर्सा के १ सय ६६ जने के परिक्षण भईल रहे ।

एने बारा के फेटा गाउँपालिका, बारागढी गाउँपालिका आ परवानीपुर गाउँपालिका के बासिन्दा में भी संक्रमण पुष्टि भईल बा । तिनो पालिका में एक/एक जने संक्रमित भईल लोग डाक्टर चौरसिया जानकारी देहले । रौतहट के एक जने में संक्रमण पुष्टि भईल बा ।

नयाँ बढ़ल संक्रमित लोग के सिटी भ्यालु १४ से ३४ तक रहल जानकारी देहले ।

Leave a Reply

Your email address will not be published. Required fields are marked *